تابع

لمن جاء ايغون الفاتح مع اخواته\زوجاته وفتح كل الممالك السته ووصل لدورن ! كانت هيا المملكه الوحيده اللي ماقدر يفتحها هو واخواته , لمن وصلو حصلو القلاع مافيها غير الاطفال والنساء

,الرجال الدورنشيين رفضوا يقابلون التارقيريان في معركه مفتوحه كالمعتاد, واخذو عفشهم وهجّو للصحراء , ومن هناك قسمو جيوشهم لقروبات صغيره ,

التنين يقدر يحوم فوق جيوش بالالاف ويحرقهم لكن مارح يقدر يطير وراء كل هالعصابات الصغيره اللي متوزعين في الصحراء والجبال , غير كذا وجود التنانين الثلاثه ( باليريون - فيغار وماركسيس ) يتطلب وجود ايغون واخواته رينيز وفسينيا .

الدورنشين صارو يسون غارات وهجمات فجائيه على التارغيران وينصبون لهم كمينات ينزفونهم ويرجعون مره ثانيه منفصلين للجبال والصحراء , ويتخبون بالكهوف والممرات تحت الجبال حتى التنين يفحط ومايحصلهم .

و اجواء المنطقه الحاره ماكانت مشكله لهم بما انها بيئتهم والدورنشيين عادة يلبسون دروع بسيطه بعكس الطرف الثاني اللي لابسين دروع ثقيله بوسط الصحراء .

بعد ما جننوهم , رينيز ركبت تنينها ماركسيس وراحت ل( رمح الشمس - sunspear ) المقر الرئيسي لهاوس مارتيل عشان تتفاوض مع الاميره ماراريا مارتيل حاكمة دورن ذاك الوقت , هنا صار تلاكع بالكلام كان بيوصل لشد شعور

ماراريا قالتلها " هاذي دورن , انتو غير مرحب فيكم هنا " رينيز قامت عليها وقالت لها بروح وارجع بالنار والدم ( fire and blood - كلمات هاوس تارقيريان )

ردت عليها مارايا وقالتلها " ما ننحني , مانركع , ما ننكسر ( كلمات هاوس مارتيل - "Unbowed, Unbent, Unbroken)

بعدها انسحبوا التارغيريان واكتفوا بالسته ممالك اللي فتحوها .

بعدها بفترة طويله جاء ملك اسمه ديرون تارغيريان (التنين الصغير ) عمره 14 سنه وقرر يكمل شغل ايغون ونجح في غزو دورن لكنه ترك هاوس تايرل يحكمون

دورن بدالهم , عاد لورد تايرل ماصدق صار يدخل قلاعهم ويطردهم من غرفهم

وينام فيها اللين مره كان نايم في سريره اللي فيه ستاير , قام سحب وحده من

الاوشحه حقت الستاره عشان يفتحها وينادي الخادمه قامت انفتحت الستاره من

فوق ومئات من العقارب الحمراء طاحت عليه , اوبرين يطقطق عليه بالكتاب ويقول ("He had a taste for Dornish women, this Lord Tyrell, and who can blame him? ")

خبر وفاته ادى الي ثورة كبيره من الدورنشين وبعدها الملك ديرون جاهم مع جيش

كبير , لمن وصل قتلوه وقتلو نص جيشه واسرو ولد عمه .> مايمزحون

بعدها جاء اخو ديرون الملك المعروف دايم نسمع عنه في المسلسل

بيلور ( bealor the blessed)وعمل صلح معاهم, زوج ولد عمه ديرون الثاني

لوحده اسمها مارايا مارتيل (وحده ثانيه ) ,

لمن دورين الثاني صار ملك زوج اخته دينيريس لحاكم دورن ذاك الوقت مارون

مارتيل وبكذا عملو اتفاق ودخلت دورن ضمن الممالك مع الإحتفاظ بلقب امير واميره وبنظام حكمهم .